sükutla gələn intihar

sükutla gələn intihar

sükutla gələn intiharın
zövqü bir başqadır,
əzablarını zərrə-zərrə duyarsan.
öz içində gizlətdiyin dünyanı,
bir də tapa bilməzsən,
şərab yuyar qəlbindəki həqiqəti,

doğrudan bezib,
başlayarsan yalanı sevməyə
bax elə o zaman ilk addımını atar intihar,
bax elə o zaman başlar
şərab dolu qədəhlərlə dostluğun.

bax elə o zaman zənginlikdən
yoxsulluğa enərsən,
sevgililərin səni atar.

bax elə o zaman
sükutla gələn intihar
çatar öz məqsədinə
əbədi yoldaşlığa başlar.....